viernes, 28 de octubre de 2016
ESPOSICIÓN DE CALABACES Y DE CARTELOS: EL SAMAIN / LA NUECHE LES ÁNIMES
Nel astragal del institutu punximos una pequeña exposición pa cellebrar El Samain / La Nueche Les Ánimes. Hai calabaces, que preparamos y afuracamos, y tamién cartelos cola la hestoria de la cellebración.
CELLEBRAMOS EL SAMAIN / LA NUECHE LES ÁNIMES
Pente delles clases tuvimos trabayando El Samain / La Nueche les Ánimes. Los alumnos de primer ciclu de la ESO tuvieron trabayando El Samain célticu, lo que n'Asturies conocemos col nome de La Nueche les Ánimes. Desendolcáronse aspeutos como El Samaín, El Beltaine, El Magüestu, l'Halloween y La nueche les Ánimes feches con calabaces. Amá tamién preparamos y afuracamos delles calabaces, que dempués s'espusieron nel astagal del institutu colos cartelos que se prepararen nel aula.
miércoles, 22 de junio de 2016
Entrevista en Naguando de RPA sobre los periódicos, el blogue y les actividaes de l'asignatura de Llingua Asturiana del IES de Corvera d'Asturies
El pasáu llunes, 13 de xunu, nel programa Naguando de RPA ficiéronos una entrevista sobre los periódicos, EL CONCEYU y RECIELLA que taben concursando n’EL PAÍS DE LOS ESTUDIANTES, los únicos periódicos en Llingua Asturiana nesi concursu estatal. Amás tamién nos entrugaron pol nuesu blogue, los númberos de la revista SERONDA, el vídeu sobre EL SAMAÍN y tolo que venimos faciendo na clas de Llingua Asturiana. Intervineron, xunto al presentador del espaciu, Naciu Varillas, l’alumnu de segundu de bachiller, Alfonso Suárez Rodríguez, y el profesor de l’asignatura, José Ramón Matilla, Pa los que nun pudierais oyer el programa, equí te ponemos l’archivu la grabación.
El periódicu EL CONCEYU, de los alumnos de Llingua Asturiana, segundu clasificáu n’Asturies nel concursu d’El País de los Estudiantes
Los alumnos de Llingua Asturiana de segundu ciclu de la ESO y Bachiller tuvieron participando nesti cursu nel concursu de periódicos escolares El País de los Estudiantes col periódicu EL CONCEYU. El día 6 de xunu fízose públicu’l resultáu nes fases provinciales y autonómiques y EL CONCEYU quedó clasificáu na segunda posición n’Asturies. Esti ye’l tercer añu que participamos col nuesu períódicu EL CONCEYU. Queremos felicitar al equipu de redacción y maquetación que tuvo compuestu polos alumnos:
Alfonso Súarez Rodríguez, Gabriel de Sales Isecke, Guillermo Fernández Granda, Adolfo Alonso Majado, Chema Romero Lorigidos, Nacho García Gómez, Daniel González García, Emilio Fernández López, Víctor Pardo Serrano, Anxo Susavila Otero, Javier Sánchez García, Alba de la Campa Rodríguez, Claudía Blanco Gago, Llara Vega García, Paula Gutiérrez Rodríguez, Leticia González Vilaseco, Tania Redondo Borrega, Irina Suzana Negoitia Dubosaru, Aldana Veloz Cuello, Víctor Manuel González González, Paula Blanco López, Saray González Prieto y Jessica Varela Martínez.
Tamién concursamos n’El País de los Estudiantes Junior col periódicu RECIELLA, fechu polos alumnos de Llingua Asturiana de primer ciclu de la ESO. Esti ye’l primer añu d’esta modalidá y tamién queremos felcitar al equipu de maquetación y redacción compuestu por:
Arturo González Garrido, Miriam Martín Martín, Bruno Río Riesgo, Daniel Alba Valdés, Jaime Álvarez Menéndez, José Ángel García Cadrecha, Héctor Rodríguez Fernández, Amanda Romero Pisa, Raquel Rodríguez Sevillano, Claudia Sánchez Barbosa, Elisabeth Garrido Martín y Gabriel Villa Navas.
miércoles, 15 de junio de 2016
Campaña de matriculación en Llingua Asturiana nos centros educativos d'Asturies
La Conseyería d'Educación acaba d'entamar una campaña p'animar al alumnáu a la matriculación en Llingua Asturiana nos centros educativos d'Asturies. Estí ye'l cartelu y dende'l nuesu blogue animámosvos a que vos matriculéis.
lunes, 13 de junio de 2016
Entrevista en Naguando de la RPA a les 21,30
Esta nueche'l progama de la RPA, Naguando, va a entrevista al profesor de Llingua Asturiana del IES de Corvera d'Asturies, José Ramón Matilla, y al alumnu de 2º Bachiller, Alfonso Suárez. Podéis sentilo nes emisores de la RPA na FM.
Vídeu sobre El Samaín
Alumnos de 1º de la ESO protagonizaron esti vídeu que vos presentamos güei y que recueye l'actividá que ficimos del Samaín na clas de Llingua Asturiana. La realización técnica ye d'un garrapiellu d'alumnos de 4º de la ESO y Bachiller.
lunes, 30 de mayo de 2016
viernes, 27 de mayo de 2016
''La lloca hestoria d'Asturies'', una obra de teatru n'asturianu
El martes 10 de mayu, cuarenta y tres alumnos de Llingua Asturiana del IES de Corvera d'Asturies, fuimos al teatru a ver La lloca hestoria d'Asturies nel teatru de La Llaboral de Xixón. Préstonos abondo y pasamos una bona mañana nesta contorna hestórica. Equí subimos una parónamica del patiu de La Llaboral.
jueves, 26 de mayo de 2016
SERONDA. Cuadernu de Llingua Asturiana del IES de Corvera d’Asturies
Esti cursu los alumnos de Llingua Asturiana del IES de Corvera d'Asturies entamaron con una nueva actividá, facer un cuadernu nomáu SERONDA col que díbamos recoyer les actividaes que sobre dellos temes tábemos faciemdo en clas. El primer cuadernu de SERONDA ta dedicáu al SAMAIN, que se completa con un vidiu sobre la cellebración que ficieron nel aula alumnos de primer cursu.
El segundu cuadernu ta dedicáu a LA LLITERATURA POPULAR, nel que s'echa una güeyada sobre los personaxes más destacaos d'esti tipu de lliteratura.
Vamos dir subiendo los PDF de los númberos asoleyaos de SERONDA bien ceo. Esperemos que seya tan prestoso lleelos como foi facelos.
viernes, 20 de mayo de 2016
Esposición de los periódicos Reciella y El Conceyu nel IES Corvera d'Asturies
Dende´l xueves 19 tán espuestos nos tablones de planta baxa del IES los periódicos, RECIELLA y EL CONCEYU, colos que tamos concursando n'El país de los Estudiantes, na XV convocatoria d'esti concursu de periódicos escolares. Nes semeyes vemos la esposición.
lunes, 16 de mayo de 2016
EL CONCEYU y RECIELLA
Enllaz d'EL CONCEYU:
http://estudiantes.elpais.com/periodico-papel/equipo/1594#1
Enllaz de RECIELLA:
http://estudiantes.elpais.com/periodico-papel/equipo/1595#1
Suscribirse a:
Entradas (Atom)